အင်ဒိုနီးရှားနိုင်ငံ၊ ဘာလီမြို့တွင် ၂၀၂၂ ခုနှစ်၊ ဒီဇင်ဘာလ (၅) ရက်နေ့၌ ကျင်းပပြုလုပ်ခဲ့သည့် Regional Consultative Meeting on Promoting the Establishment of Regional Victim Assistance Network သို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာန၊ ညွှန်ကြားရေးမှူးချုပ်၊ ဦးအောင်ကျော်မိုး ဦးဆောင်သည့် ကိုယ်စားလှယ်အဖွဲ့ ပါဝင်တက်ရောက်ခဲ့ပါသည်။

      အဆိုပါ Regional Consultative Meeting ဖွင့်ပွဲအခမ်းအနားတွင် အာဆီယံဒေသတွင်း မိုင်းရှင်းလင်းရေးဗဟိုဌာန၊ အမှုဆောင်ညွှန်ကြားရေးမှူး, Mr. Prum Suonpraseth က ကြိုဆိုနှုတ်ခွန်းဆက်စကား ပြောကြားပါသည်။ ထို့နောက် H.E. Kwon Hee-seog,ambassador of the Mission of the Republic of Korea to ASEAN နှင့် H.E Yeap Samnang, Ambassador/Permanent Representative  of the Kingdom of Cambodia to ASEAN တို့က အဖွင့်အမှာစကားများ အသီးသီးပြောကြားခဲ့ပါသည်။ 

     ဆက်လက်၍ မြန်မာနိုင်ငံ၊ ထိုင်းနိုင်ငံ၊ လာအိုနိုင်ငံ၊ ကမ္ဘောဒီးယားနိုင်ငံ၊ ဗီယက်နမ်နိုင်ငံတို့မှ အာဆီယံဒေသတွင်း မိုင်းကြောင့်ထိခိုက်ဒဏ်ရာရသူများအား ထောက်ပံ့ရေးကွန်ရက် တည်ထောင်နိုင်ရေးအတွက် နိုင်ငံအလိုက် ကျင်းပပြုလုပ် ခဲ့သည့် အမျိုးသားအဆင့် ညှိနှိုင်းအစည်းအဝေးများမှ ရရှိလာသည့် အလေ့အထကောင်းများ၊ အခက်အခဲများ၊ အာဆီယံ ဒေသတွင်း မိုင်းကြောင့် ထိခိုက်ဒဏ်ရာရသူများ ထောက်ပံ့ရေးကွန်ရက် တည်ဆောက်ခြင်းအတွက် အကြံပြု တင်ပြချက်တို့ကို ရှင်းလင်းဆွေးနွေးကြပါသည်။