ရခိုင်ပြည်နယ်တွင်ရောက်ရှိနေသောလူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး၊ ဒေါက်တာသက်သက်ခိုင်သည် (၁၉-၁၂-၂၀၂၁) ရက်နေ့ မွန်းလွဲပိုင်းတွင် ကျောက်ဖြူမြို့၊ ခရိုင်အထွေထွေအုပ်ချုပ်ရေးဦးစီးဌာနဧည့်ရိပ်သာတွင် လူမှုဝန်ထမ်းဦးစီးဌာနနှင့် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနတို့မှ ဝန်ထမ်းများနှင့်တွေ့ဆုံပြီးဝန်ကြီးဌာနမှဆောင်ရွက်လျက်ရှိသောလူမှုဖွံ့ဖြိုးတိုးတက်ရေးလုပ်ငန်းများ၊ ဘေးအန္တရာယ်ဆိုင်ရာစီမံခန့်ခွဲမှုလုပ်ငန်းများတိုးတက်အောင်မြင်ရေးအတွက် စီမံချက်များချမှတ် အကောင်အထည်ဖော် သွားမည့်အခြေအနေများ၊ အဆိုပါလုပ်ငန်းများအကောင်အထည်ဖော်ဆောင်ရွက်ရာတွင် ဝန်ထမ်းများအနေဖြင့် ကျရာနေရာမှ ပါဝင်နိုင်ရေးတစ်ဦးတစ်ယောက်မှသည် အဖွဲ့အစည်းစိတ်ဓါတ်ဖြင့် တက်ကြွဂုဏ်ယူစွာပူးပေါင်းဆောင်ရွက်နိုင်ရေးတို့အတွက် လမ်းညွှန်မှာကြားပြီးတင်ပြချက်များအပေါ် ပြည်ထောင်စုဝန်ကြီးကပေါင်းစပ်ညှိနှိုင်းဆောင်ရွက်ပေးခဲ့ပါသည်။

ဆက်လက်၍ ပြည်ထောင်စုဝန်ကြီးနှင့်တာဝန်ရှိသူများသည် အမ်းမြို့မူလတန်းကြိုကျောင်းသို့ ရောက်ရှိပြီးဝန်ထမ်းများနှင့်တွေ့ဆုံကာတင်ပြချက်များအပေါ်လိုအပ်ချက်များပေါင်းစပ်ညှိနှိုင်းဆောင်ရွက်ပေးခဲ့ပါသည်။

အလားတူပြည်ထောင်စုဝန်ကြီးသည် အမ်းမြို့သို့ရောက်ရှိစဉ် (၂၀-၁၂-၂၀၂၁) နံနက်ပိုင်းတွင် နယ်စပ်ရေးရဝန်ကြီးဌာနမှ ဖွင့်လှစ်ထားရှိသောအမျိုးသမီးအိမ်တွင်းမှုသက်မွေးလုပ်ငန်းပညာသင်တန်းကျောင်းသို့ သွားရောက်လေ့လာခဲ့ပြီးဝန်ကြီးဌာနမှ ဆောင်ရွက်လျက်ရှိသောအမျိုးသမီးများဖွံ့ဖြိုးတိုးတက်ရေးလုပ်ငန်းများကိုရှင်းလင်းဆွေးနွေးကာအိမ်တွင်းမှုအတတ်ပညာများသင်ကြားပို့ ချနေမှုအခြေအနေများကိုကြည့်ရှုအားပေးခဲ့ပါသည်။

ဆက်လက်၍ မွန်းလွဲပိုင်းတွင် ပြည်ထောင်စုဝန်ကြီးသည် သံတွဲမြို့သိုရောက်ရှိပြီးလူမှုဝန်ထမ်းဦးစီးဌာနမှ မူလတန်းကြိုကျောင်းဆောက်လုပ်မည့်မြေနေရာနှင့် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ သံတွဲမြို့နယ်ဦးစီးမှုးရုံးဆောက်လုပ်မည့်မြေနေရာများအားသွားရောက်ကြည့်ရှုစစ်ဆေးခဲ့ပြီးပြည်ထောင်စုဝန်ကြီးကသတ်မှတ်ကာလအတိုင်းစံချိန်စံညွှန်းမှီဆောက်လုပ်ပြီးစီးနိုင်ရေးလမ်းညွှန်မှာကြားခဲ့ပါသည်။

ဆက်လက်၍ ပြည်ထောင်စုဝန်ကြီးနှင့်တာဝန်ရှိသူများသည် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနသံတွဲခရိုင်ဦးစီးမှူးရုံးသို့ရောက်ရှိပြီးသံတွဲမြို့တွင် အခြေပြု၍ တာဝန်ထမ်းဆောင်လျက်ရှိသောမိမိတို့ဝန်ကြီးဌာနဝန်ထမ်းများနှင့် တွေ့ဆုံကာရင်းရင်းနှီးနှီးတွေ့ဆုံနှုတ်ဆက်အားပေးခဲ့ပြီးတင်ပြချက်များအားညှိနှိုင်းဖြည့်ဆည်းဆောင်ရွက်ပေးခဲ့ပါသည်။

ဆက်လက်၍ ပြည်ထောင်စုဝန်ကြီးသည် သံတွဲခရိုင်ဦးစီးမှူးရုံးကယ်ဆယ်ရေးပစ္စည်းသိုလှောင်ရုံသို့ရောက်ရှိပြီးသိုလှောင်ရုံထိန်းသိမ်းရေးလက်စွဲအတိုင်းကယ်ဆယ်ရေးပစ္စည်း(၂၂)မျိုးနှင့် ဒေသဖွံ့ဖြိုးရေးသုံးပစ္စည်းများသိုလှောင်ထားရှိမှုအခြေအနေများကိုကြည့်ရှုစစ်ဆေးကာဆောင်ရွက်ရမည့်အချက်များအားဖြည့်စွက်လမ်းညွှန်ခဲ့ကြောင်းသတင်းရရှိပါသည်။