လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ပြည်ထောင်စုဝန်ကြီးဒေါက်တာစိုးဝင်းသည်မြန်မာနိုင်ငံဆိုင်ရာ ဘင်္ဂလားဒေ့ရှ်နိုင်ငံသံအမတ်ကြီးH.E. Dr. Md. MonwarHossainအားလူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာနရှိမေခလာခန်းမ၌ယနေ့မွန်းလွဲပိုင်းတွင်လက်ခံတွေ့ဆုံခဲ့ပါသည်။
ယင်းသို့တွေ့ဆုံရာ၌မြန်မာနိုင်ငံတွင်ဖြစ်ပွားခဲ့သောမန္တလေးငလျင်ကြီးနှင့်ပတ်သက်၍ဘင်္ဂလားဒေ့ရှ်နိုင်ငံမှလူသားချင်းစာနာမှုအကူအညီပေးအပ်ခဲ့မှုများ၊ငလျင်ကြောင့်နိုင်ငံအတွင်းပျက်စီးဆုံးရှုံးမှုအခြေအနေများ၊နိုင်ငံတော်အစိုးရ၏ငလျင်ဘေးနောက်ဆက်တွဲပြန်လည်ထူထောင်ရေးနှင့်ပြန်လည်တည်ဆောက်ရေးလုပ်ငန်းများဆောင်ရွက်နေမှု၊နိုင်ငံအလိုက်ထူထောင်ထားရှိသည့်လူမှုကာကွယ်စောင့်ရှောက်ရေးစနစ်များနှင့်နှစ်ဦးနှစ်ဖက်အပြုသဘောဆောင်လျက်ပူးပေါင်းဆောင်ရွက်သွားနိုင်ရေးကိစ္စရပ်များကိုရင်းနှီးပွင့်လင်းစွာအမြင်ချင်းဖလှယ်ဆွေးနွေးခဲ့ကြပါသည်။
ဆွေးနွေးပွဲသို့လူမှုဝန်ထမ်းဦးစီးဌာနနှင့်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနတို့မှညွှန်ကြားရေးမှူးချုပ်များနှင့်ဘာသာရပ်ဆိုင်ရာတာဝန်ရှိသူများပါဝင်တက်ရောက်ခဲ့ကြောင်းသတင်းရရှိပါသည်။
