လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ပြည်ထောင်စုဝန်ကြီးဒေါက်တာစိုးဝင်းသည်ကုလသမဂ္ဂလူဦးရေရန်ပုံငွေအဖွဲ့ (UNFPA) ၏မြန်မာနိုင်ငံဆိုင်ရာဌာနေကိုယ်စားလှယ်ဖြစ်သူMr. Jaime Nadal Roigအားယနေ့မွန်းလွဲပိုင်းတွင်အဆိုပါဝန်ကြီးဌာန၊ဧည့်ခန်းမ၌လက်ခံတွေ့ဆုံခဲ့ပါသည်။

ထိုသို့တွေ့ဆုံရာတွင် UNFPA မှငလျင်ဘေးသင့်ဒေသများအတွက် Dignity Kits များထောက်ပံ့ပေးခဲ့မှု၊လူမှုဝန်ထမ်းဦးစီးဌာနလက်အောက်ရှိအကြမ်းဖက်ခံရသည့်အမျိုးသမီးများအားတစ်နေရာတည်းတွင်ဝန်ဆောင်မှုပေးသည့်စင်တာ (One Stop Women Support Centre- OSWSC) များတွင် ဝန်ဆောင်မှုပေးနေသည့် အကြမ်းဖက်ခံရသည့် အမျိုးသမီး များအတွက် UNFPA မှထောက်ပံ့ပေးနေမှုများ၊UNFPA ၏နိုင်ငံခြားသားဝန်ထမ်းများအတွက်ပြည်ဝင်ခွင့်ဗီဇာကိစ္စများညှိနှိုင်းဆောင်ရွက်ပေးခဲ့မှုနှင့်လူမှုဝန်ထမ်းဦးစီးဌာနနှင့် UNFPA တို့အကြားကျား၊မတန်းတူညီမျှရေးနှင့်အမျိုးသမီးများစွမ်းဆောင်ရည်မြင့်မားရေးလုပ်ငန်းအစီအစဉ် Workplan အားသက်တမ်းတိုးလက်မှတ်ရေးထိုး၍လုပ်ငန်းများဆက်လက်ပူးပေါင်းဆောင်ရွက်သွားရေးကိစ္စရပ်များကိုရင်းနှီးပွင့်လင်းစွာအမြင်ချင်းဖလှယ်ဆွေးနွေးခဲ့ကြပါသည်။

တွေ့ဆုံပွဲသို့လူမှုဝန်ထမ်းဦးစီးဌာန၊ညွှန်ကြားရေးမှူးချုပ်၊ဒုတိယအမြဲတမ်းအတွင်းဝန်၊ဘာသာရပ်ဆိုင်ရာအရာထမ်းများနှင့်UNFPAရုံးမှကိုယ်စားလှယ်များပါဝင်တက်ရောက်ခဲ့ကြကြောင်းသတင်းရရှိပါသည်။