တောင်တရုတ်ပင်လယ်တွင်ဖြစ်ပွားခဲ့သော ရာဂီတိုင်ဖွန်းမုန်တိုင်း၏သက်ရောက်မှုကြောင့် ရေဘေးဒဏ်ခံစားရသောဒေသခံပြည်သူများအတွက် အလှူငွေပေးအပ်လှူဒါန်းခြင်းအခမ်းအနားကို လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ အစည်းအဝေးခန်းမတွင် ယနေ့မွန်းလွဲ(၀၅၀၀) နာရီအချိန်ကကျင်းပခဲ့ရာ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊  ပြည်ထောင်စုဝန်ကြီး ဒေါက်တာစိုးဝင်းက လက်ခံရယူခဲ့ပြီး ကျေးဇူးတင်စကားပြောကြားကာ ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ပါသည်။

အဆိုပါအခမ်းအနားတွင် ပို့ဆောင်ရေးနှင့်ဆက်သွယ်ရေးဝန်ကြီးဌာန ဝန်ထမ်းမိသားစုမှ ငွေကျပ်သိန်း(၁,၇၀၀)၊မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်းမှ ငွေကျပ်သိန်း(၇၀)၊ ဦးအောင်ဇော်မြင့်+အဂ္ဂမဟာသီရိသုဓမ္မသိင်္ဂီ သီရိပျံချီ ဒေါက်တာ မြတ်မြတ်အုန်းခင် ပြည်ထောင်စုဝန်ကြီး(ငြိမ်း)နှင့် သားသမီး၊မြေးများမှ ငွေကျပ်သိန်း(၅၀)၊ ဒေါက်တာ ဂျူးဂျူးဇော်(ခ) ခင်အိန္ဒြာဇော်(ခေတ္တဩစတြေးလျ)မှ ငွေကျပ်(၁၁)သိန်း၊ ဦးထွန်းရွှေ+ဒေါ်သင်းသင်းဆွေမိသားစု(ထွန်းရွှေဝါတိုင်းရင်းဆေးဝါးထုတ်လုပ်ရေး)မှ ငွေကျပ်သိန်း(၃၀)နှင့် တိုင်းရင်းဆေးဝါးသေတ္တာ(၆)ပုံး၊ မြန်မာနိုင်ငံဂေါက်သီးအားကစားအဖွဲ့ချုပ်ဥက္ကဋ္ဌဦီးကိုကိုအေးမှငွေကျပ်သိန်း(၅၀၀) မြန်မာနွယ်ဖွားတရုတ်လူမှုကူညီရေးပရဟိတအသင်း(နေပြည်တော်)မှငွေကျပ်သိန်း(၅၀)၊Tin Wai International Group Co,Ltdမှ ငွေကျပ်သိန်း(၃၀)၊ မြန်မာကယန်းတောင်ပိုင်း ကုမ္ပဏီလီမိတက်မှ ငွေကျပ်သိန်း(၁၀)၊ Sky One Company မှ ငွေကျပ်သိန်း(၂၀၀၀)နှင့် Gandamar Business SolutationsCo,Ltdဝန်ထမ်းမိသားစုမှ ငွေကျပ်(၂,၀၇၆,၀၀၀)၊ ဦးအိုက်ဆန်+ဒေါ်ဖုံစုမိသားစုမှ ငွေကျပ်သိန်း(၃၀၀၀)၊ ဦးလင်းထူး+ဒေါ်နန်းသင်းစုငြိမ်းGolden HTT Co,Ltdမိသားစုမှငွေကျပ် သိန်း(၅၀)စုစုပေါင်းငွေကျပ် (၇၅၂,၁၇၆,၀၀၀) ပေးအပ်လှူဒါန်းခဲ့ပါသည်။

ထို့အတူ၁၈.၉.၂၀၂၄ ရက်တွင် ဒုတိယဗိုလ်ချုပ်မှူးကြီးမောင်အေး(ငြိမ်း)နှင့် ဇနီးဒေါ်မြမြစန်းမိသားစုမှ အေလာတိဏ္ဏဘုန်းတော်ကြီးကျောင်းရှိရေဘေးသင့်ပြည်သူ(၃၀၀)ဦးအား နေ့လည်စာထမင်းဘူး(၃၀၀)ဘူးအားလူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနမှတစ်ဆင့် လှူဒါန်းခဲ့ကြောင်းသတင်းရရှိပါသည်။