ရာဂီမုန်တိုင်းနှင့် ဆက်စပ်ဖြစ်ပွားသော ရေကြီးရေလျှံမှုများကြောင့် ဘေးသင့်ပြည်သူများ အတွက် တရုတ်ပြည်သူ့သမ္မတနိုင်ငံ China International Trust and Investment Corporation (CITIC Myanmar) နှင့် China Foundation for Rural Development (CFRD) တို့က ငွေကျပ် (၃၆,၁၅၀,၀၀၀/-) တန်ဖိုးရှိ စားနပ်ရိက္ခာနှင့် ကျောင်းသုံးပစ္စည်းများ ပေးအပ်လှူဒါန်းခြင်းအခမ်းအနားကိုလူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊သဘာဝဘေးအန္တရာယ်ဆိုင်ရာစီမံခန့်ခွဲမှုဗဟိုဌာန (DMC)၌ယနေ့နံနက်ပိုင်းတွင်ကျင်းပခဲ့ရာCITIC Myanmarမှ Deputy Managing Director ဖြစ်သူ Mr. Ma Chuanfu က မိမိတို့အဖွဲ့ အစည်းအနေဖြင့် ရေဘေးသင့်ဒေသများ ပြန်လည်ထူထောင်ရေးလုပ်ငန်းစဉ်များတွင် အုတ်တစ်ချပ်၊ သဲတစ်ပွင့်အနေဖြင့် ပါဝင်လှူဒါန်းခြင်း ဖြစ်ပါကြောင်း၊ CFRD မှ Program Mananger ဖြစ်သူ Ms. Yan Tianjia က ဘေးသင့်ပြည်သူများအတွက် မေတ္တာတရားအခြေခံကာ စွမ်းနိုင်သမျှထောက်ပံ့ကူညီမှုပြုခြင်းဖြစ်ပါကြောင်းအသီးသီးရှင်းလင်းပြောကြားခဲ့ပြီး လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ဒုတိယဝန်ကြီးဦးစိုးကြည်က ယခုလို လှူဒါန်းမှုများအတွက် ဦးစွာကျေးဇူးတင်ရှိပါကြောင်းနှင့် ယခုလှူဒါန်းမှုများသည် ဘေးသင့်ပြည်သူများအတွက် စားသောက်ရေးလိုအပ်ချက်နှင့် ကျောင်းသားကျောင်းသူများ၏ပညာသင်ကြားမှုများအတွက် လိုအပ်ချက်ကို တစ်ထောင့် တစ်နေရာမှ ဖြည့်ဆည်းပေးနိုင်မည်ဖြစ်ပါကြောင်း ပြန်လည်ပြောကြားခဲ့ပြီး ဂုဏ်ပြုမှတ်တမ်းလွှာများပြန်လည်ပေးအပ်ခဲ့ပါသည်။
လှူဒါန်းပစ္စည်းများဖြစ်သည့် ဆန်၊ ပဲဝါလေးနှင့် ခေါက်ဆွဲခြောက်များ၊ ကျောင်းသုံးပစ္စည်း များကို နေပြည်တော်အတွင်း ရေဘေးသင့်ကျေးရွာများသို့ အလှူရှင်များကိုယ်တိုင် သွားရောက် ထောက်ပံ့ခဲ့ကြောင်း သတင်းရရှိပါသည်။
