လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ပြည်ထောင်စုဝန်ကြီးဒေါက်တာစိုးဝင်းအား AHA Centre မှ အမှုဆောင်ဒါရိုက်တာ Mr. Lee Yam Ming ဦးဆောင်သောအဖွဲ့ကယနေ့မွန်းလွဲပိုင်းတွင် အဆိုပါဝန်ကြီးဌာန၊ ဧည့်ခန်းမ၌ လာရောက် တွေ့ဆုံခဲ့ပါသည်။
တွေ့ဆုံစဉ် အာဆီယံAHA Centre မှ တစ်ဆင့် မြန်မာနိုင်ငံသို့ လူသားချင်းစာနာမှုအကူအညီ Phase.2 ပေးအပ်ရေးနှင့်စပ်လျဉ်း၍ လက်ရှိဆောင်ရွက်နေသည့် အခြေအနေများ၊ ယမန်နှစ်ကမိုခါမုန်တိုင်းတုံ့ပြန်ရေးတွင် အာဆီယံ ERATအဖွဲ့၏ ဘေးအန္တရာယ်ဆန်းစစ်ချက် ဆောင်ရွက်ခဲ့မှုများနှင့် AHA Centre က ဖွင့်လှစ်ပေးနေသောစွမ်းဆောင်ရည်မြှင့်တင်ရေးသင်တန်းဆိုင်ရာကိစ္စရပ်များကိုအမြင်ချင်းဖလှယ် ဆွေးနွေးခဲ့ကြပါသည်။
တွေ့ဆုံပွဲသို့ အမြဲတမ်းအတွင်းဝန်၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ညွှန်ကြားရေးမှူးချုပ်နှင့် ဘာသာရပ်ဆိုင်ရာအရာထမ်းများပါဝင်တက်ရောက်ခဲ့ကြောင်းသတင်းရရှိပါသည်။
