လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ဒုတိယဝန်ကြီးဦးစိုးကြည်သည်၁၈-၈-၂၀၂၄ရက်နေ့နံနက်ပိုင်းတွင်အမြဲတမ်းအတွင်းဝန်နှင့် တာဝန်ရှိသူများလိုက်ပါလျက်ပြည်ထောင်စုနယ်မြေနေပြည်တော်၊ဇမ္ဗူသီရိမြို့နယ်၊ဗလသိဒ္ဓိရပ်ကွက်၊ ဘောဂသိဒ္ဓိရပ်ကွက်၊ မင်္ဂလာသိဒ္ဓိရပ်ကွက်တို့ရှိအရာထမ်း၊ အမှုထမ်းအိမ်ရာများနှင့်အဆောင်များသို့သွားရောက်ကြည့်ရှုစစ်ဆေးပါသည်။
ဒုတိယဝန်ကြီးကဝန်ထမ်းအိမ်ရာနှင့်အဆောင်များတွင်မသက်ဆိုင်သူများဝင်ရောက်နေထိုင်မှုမရှိစေရေးစိစစ်ကြပ်မတ်ရန်၊ဝန်ထမ်းအိမ်ရာနှင့်အဆောင်နေထိုင်သူများအနေဖြင့်ပတ်ဝန်းကျင်သန့်ရှင်းသာယာလှပရေးဆောင်ရွက်ရန်၊တိုက်နံရံနှင့်ခေါင်မိုးများပေါ်တွင်ပေါက်နေသောအပင်များကိုရှင်းလင်းသွားရန်၊မိမိအိမ်ရာ၏ အလှအပကိုပေါ်လွင်စေရန်၊ သန့်ရှင်းသပ်ယပ်ပြီးနေချင်စဖွယ်ဖြစ်စေရန်နှင့် ခြင်အန္တရာယ်ကင်းဝေးစေရန်အတွက် အုပ်ဆိုင်းနေသောအပင်များအားအလင်းဖွင့်ခြင်း၊ ရေမြောင်းများရေစီးရေလာကောင်းစေရန် ဆောင်ရွက်ခြင်းများပူးပေါင်းဆောင်ရွက်ကြရန်၊ဝန်ထမ်းအိမ်ရာများတွင်အဆင့်အတန်းမြင့်မြင့်သန့်ရှင်းသပ်ရပ်စွာနေထိုင်နိုင်ရေးအတွက် အိမ်ရာသန့်ရှင်းရေးအားပူးပေါင်းဆောင်ရွက်ကြရန်၊စုပေါင်းအိမ်ရာများအနီးပတ်ဝန်းကျင်ရှိအချို့နေရာများတွင်မိုးတွင်းကာလ၌မြက်များစိုက်ပျိုးရန်၊မီးဘေးအန္တရာယ်မဖြစ်ပွားစေရေးအထူးအလေးထားနေထိုင်ကြရန်နှင့်ရေကိုအကျိုးရှိရှိချွေတာသုံးစွဲကြရန်၊နေပြည်တော်စည်ပင်သာယာရေးကော်မတီမှသတ်မှတ်ထားသောအိမ်ရာစည်းကမ်းများအတိုင်းလိုက်နာနေထိုင်ကြရန်နှင့်ဝန်ထမ်းအချင်းချင်းစည်းလုံးညီညွတ်စွာဖြင့်လုံခြုံရေးအသိလုံခြုံရေးသတိရှိရှိနေထိုင်သွားကြရန်တို့ကိုတာဝန်ရှိသူများအားမှာကြားခဲ့ပါသည်။
ဆက်လက်၍ဒုတိယဝန်ကြီးနှင့် တာဝန်ရှိသူများသည်အိမ်ရာကြီးကြပ်သူတိုက်တာဝန်ခံများ၊နေထိုင်သူဝန်ထမ်းများနှင့်ရင်းရင်းနှီးနှီးတွေ့ဆုံနှုတ်ဆက်ပြီးအိမ်ရာအလိုက်ဝန်ထမ်းမိသားစုများ၏တင်ပြချက်များအပေါ်လိုအပ်သည်များကိုပေါင်းစပ်ညှိနှိုင်းဆောင်ရွက်ပေးခဲ့ကြောင်းသတင်းရရှိပါသည်။
