လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးဒေါက်တာစိုးဝင်းသည် မြန်မာနိုင်ငံဆိုင်ရာအိန္ဒိယသံအမတ်ကြီး H.E. Mr. Abhay Thakurဦးဆောင်သောအဖွဲ့အားယနေ့မွန်းလွဲပိုင်းတွင် ဝန်ကြီးဌာန၊ ဧည့်ခန်းမ၌ လက်ခံတွေ့ဆုံခဲ့ပါသည်။

တွေ့ဆုံစဉ် မြန်မာနိုင်ငံနှင့် အိန္ဒိယနိုင်ငံအကြားနားလည်မှုစာချွန်လွှာ(MoU)အရရခိုင်ပြည်နယ်အတွင်းဖွံ့ဖြိုးတိုးတက်ရေးလုပ်ငန်းများဆောင်ရွက်မှုအခြေအနေကိုပွင့်လင်းစွာအမြင်ချင်းဖလှယ်ဆွေးနွေးခဲ့ကြပြီးနောက် MoU အရရခိုင်ပြည်နယ်အတွင်းဆောင်ရွက်ခဲ့သည့်ဒုတိယနှစ်စီမံကိန်း(၂)ခုလုပ်ငန်းစတင်လည်ပတ်ခြင်းအစီအစဉ်ကိုHybrid စနစ်ဖြင့် ဆက်လက်ဆောင်ရွက်ခဲ့ပြီးရခိုင်ပြည်နယ်အစိုးရအဖွဲ့၊ စီးပွားရေးရာဝန်ကြီးဦးစံရွှေမောင်က Online မှ ပါဝင်တက်ရောက်ခဲ့ပါသည်။

ပြည်ထောင်စုဝန်ကြီးကအမှာစကားပြောကြားရာတွင် အိန္ဒိယနိုင်ငံအစိုးရမှ မြန်မာနိုင်ငံသို့ဖွံ့ဖြိုးမှုအကူအညီစီမံကိန်းပူးပေါင်းဆောင်ရွက်မှုလက်ရှိအခြေအနေများ၊ လူသားချင်းစာနာမှုအကူအညီပေးအပ်ခဲ့မှုအခြေအနေများနှင့် လူသားအရင်းအမြစ်ဖွံ့ဖြိုးရေးအတွက် အိန္ဒိယနိုင်ငံမှ ပညာသင်ဆုပေးအပ်ခဲ့မှုအခြေအနေ၊ အကျိုးကျေးဇူးများနှင့်စပ်လျဉ်း၍ကျေးဇူးတင်ရှိပါကြောင်းပြောကြားခဲ့ပါသည်။

မြန်မာနိုင်ငံဆိုင်ရာအိန္ဒိယသံအမတ်ကြီးကဖွံ့ဖြိုးမှုစီမံကိန်းလက်ရှိအခြေအနေများအားဆွေးနွေးပြောကြားခဲ့ပါသည်။

ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ဒုတိယညွှန်ကြားရေးမှူးချုပ်(လုပ်ငန်း)က MoU အရဆောင်ရွက်လျက်ရှိသည့်ဒုတိယနှစ်စီမံကိန်းလုပ်ငန်းများ၏ အခြေအနေနှင့် လုပ်ငန်းစတင်လည်ပတ်သည့်စီမံကိန်း(၂)ခုဖြစ်သောပြည်သူ့ဆေးရုံတွင် အမှိုက်မီးရှို့စက်တည်ဆောက်ခြင်းနှင့်ရေပေးဝေခြင်းစီမံကိန်းအကောင်အထည်ဖော်ဆောင်ရွက်ခဲ့မှုအခြေအနေတို့ကို Power Point ဖြင့် ရှင်းလင်းတင်ပြခဲ့ပြီးနောက် စီမံကိန်းဆောင်ရွက်ပြီးစီးမှုမှတ်တမ်းအားပေးအပ်ခဲ့ပါကြောင်းသတင်းရရှိပါသည်။