ရခိုင်ပြည်နယ် စစ်တွေမြို့သို့ရောက်ရှိနေသော လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီးဒေါက်တာသက်သက်ခိုင်သည် ယနေ့မွန်းလွဲပိုင်းတွင် စစ်တွေမြို့ရှိအိမ်တွင်းမှုသက်မွေးပညာသင်ကျောင်းခေါင်မိုးမိုးခြင်းလုပ်ငန်းဆောင်ရွက်ပြီးစီးမှုနှင့် မျက်နှာကျက်လုပ်ငန်းဆောင်ရွက်ရန်ကျန်ရှိမှုအခြေအနေများ၊ စစ်တွေမြို့ မူလတန်းကြိုကျောင်းပြန်လည်ဖွင့်လှစ်ပြီးကလေးငယ် (၁၀၀) ဦးလက်ခံသင်ကြားနေမှုအခြေအနေများ၊ One Stop Women Support Centre (OSWSC) တွင် ဖွင့်လှစ်ထားမှုအခြေအနေများ၊ ပြည်နယ်လူမှုဝန်ထမ်းရုံးပြန်လည်ပြင်ဆင်ထားမှုအခြေအနေများကိုကြည့်ရူစစ်ဆေးခဲ့ရာပြည်နယ်ဦးစီးမှူးနှင့် တာဝန်ရှိသူများကလိုက်လံရှင်းလင်းပြသခဲ့ပြီးပြည်ထောင်စုဝန်ကြီးကသန့်ရှင်းရေးအထူးဂရုပြုဆောင်ရွက်ရန်၊ Site Cleaning လုပ်ငန်းများအားစနစ်တကျကြပ်မတ်ဆောင်ရွက်ရန် မှာကြားခဲ့ပါသည်။
ထို့နောက် ပြည်ထောင်စုဝန်ကြီးသည် စက်ရုံစုရပ်ကွက်ရှိဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ပြည်နယ်သိုလှောင်ရုံ(ယာယီ) ပြန်လည်ပြင်ဆင်ထားရှိမှုအခြေအနေများကိုသွားရောက်ကြည့်ရူစစ်ဆေးခဲ့ရာပြည်နယ်ဦးစီးမှူးနှင့် လုပ်ငန်းတာဝန်ခံတို့ကခေါင်မိုးလုပ်ငန်းပြီးစီးမှုနှင့် မျက်နှာကျက်လုပ်ငန်းဆက်လက်ဆောင်ရွက်နေမှုအခြေအနေများကိုရှင်းလင်းတင်ပြခဲ့ပြီး ပြည်ထောင်စုဝန်ကြီးကလုပ်ငန်းများ အမြန်ပြီးစီးရေး Site Cleaning လုပ်ငန်းများအားဂရုပြုကြပ်မတ်ဆောင်ရွက်သွားကြရန် လမ်းညွှန်မှာကြားခဲ့ကြောင်းသတင်းရရှိပါသည်။
