လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ပြည်ထောင်စုဝန်ကြီးဒေါက်တာသက်သက်ခိုင်အားကုလသမဂ္ဂကလေးများရန်ပုံငွေအဖွဲ့ (UNICEF)၏မြန်မာနိုင်ငံဆိုင်ရာဌာနေကိုယ်စားလှယ် Mr. MarcoluigiCorsiဦးဆောင်သောအဖွဲ့သည်ယနေ့မွန်းလွဲပိုင်း (၁၃:၀၀)နာရီတွင်အဆိုပါဝန်ကြီးဌာန၊မေခလာခန်းမတွင်လာရောက်တွေ့ဆုံခဲ့ပါသည်။
တွေ့ဆုံစဉ်UNICEF ၏လက်ရှိလုပ်ငန်းအစီအစဉ်များ၊ကုလသမဂ္ဂအဖွဲ့အစည်းများ၊အစိုးရမဟုတ်သောနိုင်ငံတကာအဖွဲ့အစည်းများမှ နိုင်ငံခြားသားဝန်ထမ်းများအတွက် ပြည်ဝင်ဗီဇာ၊ နေထိုင်ခွင့်သက်တမ်းတိုးခြင်းနှင့် ပြည်တွင်းခရီးသွားလာရေးထောက်ခံမှုပြုနိုင်မည့်ကိစ္စရပ်များ၊ လူသားချင်းစာနာထောက်ထားမှုလုပ်ငန်းကိစ္စရပ်များ၊ ဝန်ကြီးဌာနနှင့်UNICEF တို့ ဆက်လက်၍ ပူးပေါင်းဆောင်ရွက်မှုမြှင့်တင်နိုင်ရေးအစီအစဉ်များကိုပွင့်လင်းစွာအမြင်ချင်းဖလှယ်ဆွေးနွေးခဲ့ကြပါသည်။
တွေ့ဆုံပွဲသို့ဒုတိယဝန်ကြီးဦးစိုးကြည်၊အမြဲတမ်းအတွင်းဝန်၊ဦးစီးဌာနများမှညွှန်ကြားရေးမှူးချုပ်များနှင့် တာဝန်ရှိသူများပါဝင်တက်ရောက်ခဲ့ကြကြောင်းသတင်းရရှိပါသည်။
