လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စု ဝန်ကြီးဒေါက်တာစိုးဝင်းသည် အပြည်ပြည်ဆိုင်ရာကြက်ခြေနီကော်မတီ(ICRC)၏ မြန်မာနိုင်ငံဆိုင်ရာဌာနေကိုယ်စားလှယ်ဖြစ်သူ Mr. Arnaud de Baecque အား ယနေ့မွန်းလွဲပိုင်း တွင်အဆိုပါ ဝန်ကြီးဌာန၌လက်ခံတွေ့ဆုံခဲ့ပါသည်။
တွေ့ဆုံရာတွင် ပြည်ထောင်စုဝန်ကြီးက မန္တလေးငလျင်ကြီးလှုပ်ခတ်မှုကြောင့် ထိခိုက်ဆုံးရှုံးမှုများအား ပြည်လည်ထူထောင်ရေးအတွက်နိုင်ငံတော်အစိုးရက ဆောင်ရွက်နေမှု အခြေအနေများ၊ဆောက်လုပ်ရေးလုပ်ငန်းသုံးပစ္စည်းများလိုအပ်နေမှုနှင့်နိုင်ငံတကာအဖွဲ့အစည်းများ၏ပူးပေါင်းဆောင်ရွက်မှုများအားကြိုဆိုပါကြောင်းဆွေးနွေးခဲ့ပြီး ICRC ဘက်မှငလျင် ဘေးသင့်ဒေသများအတွက်ရေရရှိရေး၊ကျန်းမာရေးနှင့်ဆေးဘက်ဆိုင်ရာအထောက်အပံ့ပေးနေမှုလုပ်ငန်းများနှင့် ICRC ၏ ပုံမှန်ဆောင်ရွက်နေသော လုပ်ငန်းများကို ရှင်းလင်းတင်ပြခဲ့ပါသည်။ ထို့နောက်ဝန်ကြီးဌာနနှင့် ICRC တို့အကြားပူးပေါင်းဆောင်ရွက်လျက်ရှိသော လုပ်ငန်းများ နှင့်ဆက်လက်ပူးပေါင်းဆောင်ရွက်မည့်ကိစ္စများအားအမြင်ချင်းဖလှယ်ဆွေးနွေးခဲ့ကြပါသည်။
ဆွေးနွေးပွဲသို့ဘေးန္တရာယ်ဆိုင်ရာစီမံခန့်ခွဲမှုဦးစီးဌာနနှင့် ပြန်လည်ထူထောင်ရေး ဦးစီးဌာနများမှ ညွှန်ကြားရေးမှူးချုပ်များ၊ ဘာသာရပ်ဆိုင်ရာအမှုထမ်းများနှင့် ICRC ရုံးမှကိုယ်စားလှယ်များပါဝင်တက်ရောက်ခဲ့ကြောင်းသတင်းရရှိပါသည်။
