လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးဒေါက်တာသက်သက်ခိုင်အား ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးမှူးရုံး (UNOCHA)၏ယာယီအကြီးအကဲဖြစ်သူ Ms. Danielle Parry ဦးဆောင်သောအဖွဲ့သည်ယနေ့မွန်းလွဲပိုင်း (၁၄:၀၀) နာရီတွင်အဆိုပါဝန်ကြီးဌာန၊အစည်းအဝေးခန်းမ၌လာရောက်တွေ့ဆုံခဲ့ပါသည်။
တွေ့ဆုံစဉ် ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးမှူးရုံး (UNOCHA)၏ယာယီအကြီးအကဲဖြစ်သူ Ms. Danielle Parry ကဝန်ကြီးဌာနနှင့် UNOCHA တို့ သဘောတူညီမှုစာလွှာအသစ် လက်မှတ်ရေးထိုးနိုင်ရေး ဆောင်ရွက်နေမှုအခြေအနေနှင့် UNOCHA ၏ Head of Office ဖြစ်သူမြန်မာနိုင်ငံသို့လာရောက်တာဝန်ထမ်းဆောင်မည့် အခြေအနေများအားတင်ပြဆွေးနွေးခဲ့ပါသည်။
ပြည်ထောင်စုဝန်ကြီးကလည်း UNOCHA ၏ ညှိနှိုင်းပေါင်းစပ်မှုဖြင့်ကုလသမဂ္ဂအဖွဲ့အစည်း (၇)ဖွဲ့နှင့်အစိုးရမဟုတ်သောနိုင်ငံတကာအဖွဲ့အစည်း (၃) ဖွဲ့တို့ကနိုင်ငံတော်အစိုးရ၏ကြီးကြပ်မှုဖြင့် ရခိုင်ပြည်နယ်ရှိမုန်တိုင်းသင့်သူများအတွက်ကယ်ဆယ်ရေးပစ္စည်းများဖြန့်ဝေရေးအသေးစိတ်အစီအစဉ်နှင့် သယ်ယူပို့ဆောင်ရေးဆိုင်ရာကိစ္စများအားအမြင်ချင်းဖလှယ်ဆွေးနွေးခဲ့ကြပါသည်။ တွေ့ဆုံပွဲသို့အမြဲတမ်းအတွင်းဝန်ဒေါက်တာကိုကိုနိုင်၊ဦးစီးဌာနများမှညွှန်ကြားရေးမှူးချုပ်များနှင့်တာဝန်ရှိသူများပါဝင်တက်ရောက်ခဲ့ကြကြောင်းသတင်းရရှိပါသည်။
