လူမှုရေးဆိုင်ရာအသိပညာမြင့်မားရေးစကားဝိုင်းဆွေးနွေးပွဲကို(၇.၇.၂၀၂၃) ရက်နေ့၊ နံနက် (၁၀:၀၀) အချိန်တွင်လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ စုပေါင်းအစည်းအဝေးခန်းမ၌အခမ်းအနားအစီအစဉ်(၂)ရပ်ဖြင့် ကျင်းပဆောင်ရွက်ခဲ့ပြီးပထမပိုင်းအစီအစဉ်တွင် လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး၊ ဒေါက်တာသက်သက်ခိုင်ကအဖွင့်အမှာစကားပြောကြားခဲ့ပြီးစကားဝိုင်းဆွေးနွေးပွဲအစီအစဉ်ကိုကျင်းပဆောင်ရွက်ခဲ့ရာလူမှုဝန်ထမ်းဦးစီးဌာန၊ ပြန်လည်ထူ ထောင်ရေးဦးစီးဌာနတို့မှ ညွှန်ကြားရေးမှူးများနှင့် ပြင်ပပညာရှင်တို့မှ သက်ဆိုင်ရာခေါင်းစဉ်များအလိုက်ဆွေးနွေးပြောကြားခဲ့ပါသည်။
အစီအစဉ်အရပြန်လည်ထူထောင်ရေးဦးစီးဌာန၊ ညွှန်ကြားရေးမှူးချုပ်၊ ဦးအောင်ကျော်မိုးမှ သုံးသပ်အမှာစကားပြောကြားခဲ့ပြီး(၁၃:၀၀) နာရီအချိန်တွင် အခမ်းအနားကိုရုပ်သိမ်းခဲ့ပါကြောင်းနှင့် အခမ်းအနားသို့ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ အရာထမ်း၊ အမှုထမ်းစုစုပေါင်း (၈၀)ဦးတက်ရောက်ခဲ့ပါကြောင်းသတင်းရရှိပါသည်။
