၂၀၂၁ ခုနှစ်၊ အောက်တိုဘာလ(၁)ရက်နေ့တွင် မုံရွာမြို့၊ ဘိုးဘွားရိပ်သာတွင် အပြည်ပြည်ဆိုင်ရာသက်ကြီးရွယ်အိုများနေ့အခမ်းအနားကို ကျင်းပခဲ့ပါသည်။ အဆိုပါအခမ်း အနားတွင် စစ်ကိုင်းတိုင်းဒေသကြီး၊ အစိုးရအဖွဲ့ဝန်ကြီးချုပ် ဦးမြတ်ကျော်က အဖွင့်အမှာစကားကို ပြောကြားခဲ့ပါသည်။ ထို့နောက် ဘိုးဘွားရိပ်သာ(၆)ခုထံသို့ မတည်အလှူငွေ (၅)သိန်းစီနှင့် တစ်နေ့တာအာဟာရအတွက် လှူဒါန်းငွေများကိုပေးအပ်ခဲ့ပါသည်။ ထို့နောက် ဝန်ကြီးချုပ်နှင့် တာဝန်ရှိသူများသည် ဘိုးဘွားများ နေ့လည်စာစားသောက်နေမှုကို လှည့်လည်ကြည့်ရှုခဲ့ပါသည်။
