လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မအူပင်ခရိုင်ဦးစီးမှူးရုံးမှ တာဝန်ရှိသူများသည် (၉-၃-၂၀၂၂)ရက်နေ့၊ နံနက်(၀၉:၃၀)နာရီအချိန်မှ (၁၅:၄၀) နာရီ အချိန်ထိ အင်းမကျေးရွာအုပ်စုအတွင်းရှိ (ကျုံကဇန်း၊ တာပေါက်၊ တူးချောင်း၊ အင်းမ၊ မှင်ခမွန်၊ ဘီးလင်းနှင့် မလောင်)ကျေးရွာတို့တို့နှင့် အောက်ထုံးကျေးရွာအုပ်စုအတွင်းရှိ (အောက်ထုံး၊ မရမ်းစု၊ အင်းတေးစု၊ သစ်တောစု၊ ကျုံလှ၊ လက်ပန်တန်း၊ စစ်ကုန်း၊ ကိုးအိမ်တန်းနှင့် ဗာမနီး)ကျေးရွာတို့၌ မီးဘေးအသိပညာပေး ဟောပြောခြင်း၊ လေပြင်းဘေးကြိုတင်ပြင်ဆင်ရေးအသိပညာပေးခြင်း၊ လက်ကမ်းစာစောင်နှင့် ဗွီနိုင်းပိုစတာများအား ဖြန့်ဝေပေး ခြင်း၊ လေပြင်းဘေးကြိုတင်ပြင်ဆင်ရေးအတွက် ရွေးချယ်ထားသည့် စုစုပေါင်းနေအိမ် (၁၀၀)လုံးစာအတွက် အိမ်ဆောက်ပစ္စည်း (ဝါး) (၂၀၀၀)လုံးနှင့် ဓနိ (၁၅၀၀၀)ဗျစ်တို့အား သက်ဆိုင်ရာ ဌာနဆိုင်ရာများ၊ စေတနာ့ ဝန်ထမ်းများ၊ ကျေးရွာအုပ်ချုပ်ရေးမှူး၊ ရပ်မိရပ်ဖများနှင့် ပူးပေါင်း၍ လေပြင်းဘေးဒဏ်ခံနိုင်ရေး နေအိမ်များအား ပြုပြင်ဆောင်ရွက်ခြင်းလုပ်ငန်းများကို ဆောင်ရွက်ခဲ့ပြီးဖြစ်ပါကြောင်း သတင်းရရှိပါသည်။
Source: DDM
