၂၀၂၅ခုနှစ်၊ မြန်မာအမျိုးသမီးများနေ့ အခမ်းအနားကို (၃.၇၂၀၂၅)ရက်နေ့၊ နံနက်(၀၉:၀၀)နာရီအချိန်တွင် မော်လမြိုင်မြို့၊ ပြည်နယ်ခန်းမ၌ ကျင်းပပြုလုပ်ခဲ့ပါသည်။ အခမ်းအနားတွင် မွန်ပြည်နယ်ဝန်ကြီးချုပ်   ဦးအောင်ကြည်သိန်းက အဖွင့်အမှာစကားပြောကြားပြီး၊ မြန်မာအမျိုးသမီးများနေ့ အထိမ်းအမှတ် Video Clip တို့အား ပြသခဲ့ပါသည်။

ထို့နောက် မွန်ပြည်နယ်ဝန်ကြီးချုပ်နှင့် ဝန်ကြီးများ၏ ဇနီးများက စီးပွားရေးကဏ္ဍ၊ အား ကစားကဏ္ဍ၊ လူမှုရေးကဏ္ဍများတွင် ထူးချွန်ခဲ့သည့် ထူးချွန်အမျိုးသမီးများအား ဂုဏ်ပြုမှတ်တမ်းလွှာနှင့် ဂုဏ်ပြုဆုငွေများ ပေးအပ်ချီးမြှင့်ခဲ့ပါသည်။ မွန်ပြည်နယ်အမျိုးသမီးရေးရာအဖွဲ့၏ ဦးဆောင်မှုဖြင့် ပညာရေးဒီဂရီကောလိပ်မှ ကျောင်းသူလေးများက “ပြည်ထောင်စုကြီးတို့ရဲ့မြန်မာ” သီချင်းနှင့်  “ဂုဏ်ယူဝင့်ကြွားမြန်မာ အမျိုးသမီးများ” တေးသီချင်းကို တေးသရုပ်ဖော်ဖြင့်လည်းကောင်း၊ လူမှုဝန်ထမ်းဦးစီးဌာန၊  မူလတန်းကြိုကျောင်းများမှ ဆရာမများက “ကျေး‌တောသူ” တေးသီချင်း ဖြင့်လည်းကောင်း  ကပြဖျော်ဖြေတင်ဆက်ခဲ့ပါသည်။ ဖျော်ဖြေတင်ဆက်သွားသည့် အကအဖွဲ့များအား မွန်ပြည်နယ်အစိုးရအဖွဲ့၊ ဝန်ကြီးချုပ် ဦးအောင်ကြည်သိန်းက ဂုဏ်ပြုဆုငွေများ ပေးအပ်ချီးမြှင့်ခဲ့ပြီး မွန်ပြည်နယ်ဝန်ကြီးချုပ်၊ မွန်ပြည်နယ် တရားလွှတ်တော် တရားသူကြီးချုပ်၊ ပြည်နယ်အစိုးရအဖွဲ့ဝင်ဝန်ကြီးများနှင့် ဇနီး များ၊ ပြည်နယ်အဆင့်ဌာနဆိုင်ရာများနှင့် တက်ရောက်လာကြသောဧည့်သည်တော်များက ခန်းမတွင်း ခင်းကျင်း ပြသထားသော အိမ်တွင်းမှုသက်မွေးလုပ်ငန်းပညာသင်ကျောင်းနှင့် မော်လမြိုင် (OSWSC) မှ  ကျောင်းသူလေးများ၏ အိမ်တွင်းမှုထုတ်ကုန်များနှင့်မုန့်များ၊ လူမှုရေးအသင်းအဖွဲ့ များမှ ခင်းကျင်းထားသည့် ပြခန်းများအား ကြည့်ရှုအားပေးကြပြီး  ပြခန်းတာဝန်ကျသူများက  ရှင်းလင်းပြောကြားကာ အခမ်းအနားကို ရုပ်သိမ်းခဲ့ပါသည်။

အခမ်းအနားသို့  မွန်ပြည်နယ်အစိုးရအဖွဲ့ ဝန်ကြီးချုပ်၊ တရားလွှတ်တော်တရားသူကြီးချုပ် ပြည်နယ်အစိုးရအဖွဲ့ဝင် ဝန်ကြီးများနှင့်ဇနီးများ၊ ပြည်နယ်/ ခရိုင်/ မြို့နယ်အမျိုးသမီးကော်မတီဝင်များ၊ ပြည်နယ်အဆင့်ဌာနဆိုင်ရာများ၊   ပြည်တွင်း / ပြည်ပ လူမှုရေးအသင်းအဖွဲ့များ၊ ဖိတ်ကြားထားသော ဧည့်သည်တော်များ၊ စုစုပေါင်း အင်အား (၄၀၀) ဦးကျော်တက်ရောက်ခဲ့ကြပါသည်။