လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ရန်ကုန်တောင်ပိုင်းခရိုင်ဦးစီးမှူးရုံးမှ တာဝန်ရှိသူများသည် (၂၈-၂-၂၀၂၃)ရက်နေ့၊ နံနက် (၁၁း၃၀)အချိန်၌ တွံတေးခရိုင်၊ တွံတေးမြို့နယ်၊ ပဒါန်ရေကျော်ကျေးရွာအုပ်စု၊ ပဒါန်ရေကျော်ကျေးရွာတွင် နေအိမ်နောက်ဖေးမီးဖိုဆောင်တွင် ထင်းမီးဖြင့် ထမင်းချက်ပြီး မီးကြွင်းမီးကျန်မှတစ်ဆင့် မီးကူးစက်လောင်ကျွမ်းမှုဖြစ်ပွားခဲ့ပါသဖြင့် ဓနိမိုးထရံကာ နေအိမ်(၁)လုံး၊ ဝါးထရံကာနေအိမ်(၁)လုံး၊ သွပ်မိုးထရံကာနေအိမ်(၁)လုံးတို့ လုံးဝပျက်စီးခဲ့ပြီး သွပ်မိုး အုတ်ကာ နေအိမ်(၁)လုံး တစ်စိတ်တစ်ပိုင်းပျက်စီးခဲ့သည့်အတွက် စုစုပေါင်းနေအိမ်(၄)လုံး၊ အိမ်ထောင်စု(၄)စု၊ လူဦးရေ (၁၄)ဦးတို့မီးဘေးသင့်ခဲ့ပါသည်။ အဆိုပါမီးဘေးသင့်ပြည်သူများအတွက် အိမ်ဆောက်ပစ္စည်းဖိုး (၃၄၅၀၀ဝိ/-)၊ ဆန်ရိက္ခာဖိုး(၂၉၄၀ဝိ/-)၊ စုစုပေါင်းထောက်ပံ့ငွေကျပ် (၃၇၄၄၀ဝိ/-)နှင့် ကယ်ဆယ်ရေးပစ္စည်း(၁၈)မျိုး အိမ်ထောင်စု(၃)စုစာ အား (၃-၃-၂၀၂၃)ရက်နေ့၊ နေ့လည်(၁၃း၀၀)နာရီအချိန်တွင် မီးဘေးသင့်ပြည်သူများ၏လက်ဝယ်အရောက် ထောက်ပံ့ပေးအပ်ခဲ့ပါသည်။
Source: DDM
